Auso itz muess i doch ume einisch e Bitrag im Dialäkt schriibe.
Immerhin isch hüt dr Geburi vor Schwiiz, nid wahr :)
Häppy Börsdei Schwiiz :)
Ja u o süsch het sech scho ume so mängs tah... S'isch itz ja nid so dass me hiä im Summer e huufe chönnti mache... dazue isch es würklech e chli ds "warm" :D
Di meischde Lüt si im Momänt ide Feriä u Clara het öppe geng ume es nöis Summercamp gha.
Itz isch si sit letschder Wuche mit em Christian uf Hamburg u scho gli geit si de mit dr Mueter uf Oustralie.. Somit hani e chli weniger ds tüe - o nid schlächt :D
Da i itze meischdens bis zum Nami frei ha ga ni aube e liäbi Fründin gha bsueche.
U zwar hani Ändi Mei mini Änglischbüecher vo mim Collegekurs wöuä verchoufä u i ha e Annonce uf Facebook gsteut. Scho churz druf abe het sech es Norddütsches Meitschi gmäudet: Nela.
Mir hei när grad usegfunge das mer im gliiche Gebiet ds Houston läbe, was agsichts vo när 5Millione Stadt ziemlech kuuhl isch.
Mir hei üs auso när mau bi nem Starbucks troffe u sit denn hei mer fasch öppe jede Aabe öppis ungernoh. :D
Es isch eifach geng ume luschdig u o weni düre Tag dert bi hanis geng guet mit ihrem chline Zwärgli, ihrne Gascheutere u natürlech är Nela (Wahrschiinlech isch si grad am studiere, was äch das
hiä aues heisst :P)
Grad dä Mäntig hani frei gha u i ha mit ihrem chline Bueb u ihre e chli i Pool wöuä gah realxe. auerdings Isch es nid ihre Pool gsi.. Fründe vo ihrne Gascheutere si i de Feriä u so hei mer
d'schlüssu übercho um e Pool vo ihne z'bruuche..
Auerdings hei mer üs us em Huus usgschlosse u aui üsi Sache si natürlech drinne gsi. Auso aui Sache: Natel, Gäud, Schlüssle fürs Huus uds Outo...aues!
So het d'Nela när im Bikini müesse dür d'Nachbarschaft seckle (D'Badtüecher hei mer drum o igschlosse :D )
Ds Ändi vom Liäd, mir hei när dank ihrem Gaschvater wieder Zuegang zu auem übercho u doch no entspannt chönne plansche :)
Ja u süsch geits meh oder weniger ifach mit dr Hitz. I bi letschd Wuche äuä dehydriert aber im Grosse u Ganze chumi guet zrächt :)
I wirde mi itz auso wiiter sünnelä, no brüner wärde u jedi Mängi Spass ha :)
Di beschde Grüäss u scho bis gli
öi Sarah <3
Kommentar schreiben
Manfred (Donnerstag, 01 August 2013 12:47)
Hallo Sarah,
Du kannst es doch einfach nicht lassen solche Texte ins Netz zu stellen. Was soll denn da der NSA sagen, die Leute verstehen Dich dann ja gar nicht - und Nela eben auch nicht (Lieben Gruss an Dich, Nela!)
Wie wärs, wenn Ihr beide mal in Plattdeutsch einen Blogbeitrag schreiben würdet, das wäre doch mal megacool, und Ihr beide hättet mal ein Projekt in Angriff zu nehmen.
Allen Schweizern - meine Familie eingeschlossen - wünsche ich einen schönen ersten August. Ich bin hier wieder der einzige der Flagge zeigt.
Machs gut, Sarah, meine Grosse.
Ich bin stolz auf Dich,
Dein Papa
nela-aupairusa (Donnerstag, 01 August 2013 20:04)
Da war ich schon so richtig gespannt, auf was für einen Beitrag ich mich freuen darf und dann dann sowas :p
Wie gemein von dir :D
Ich hab ja schon einiges verstanden, aber genau den Satz nicht hinter dem steht, ich wäre bestimmt schon am studieren, was das alles heißt, was du da schreibst :D
Also Plattdeutsch finde ich ja mal interessant, aber ich ich glaub nicht, dass ich das schreiben kann :p
Dat is garnich soo eenfach :D
Ik kann dat better snaken as schrieven :p
Wie wärs, wenn du den ganzen Post nochmal auf Deutsch schreibst, damit er auch für Leute wie mich verständlich ist xD
Hab dich lieb :*
Gotti Karin (Donnerstag, 08 August 2013 15:19)
Ig finges guet wider mau ä Bitrag in bärndütsch. De verlehrsch es nid.... u de verstahnis o ;-) Ig lise zwar diner Iträg gärn i jeder Sprach ussert villicht spanisch hani chli Müeh. Mi dünkt es erschine bau chli weni News. Ig ha doch äs Wucheabo glöst :-) Oder hani da öppis fautsch verstande oder z chlydruckte nid gläse. Häb ganz ä gueti Zyt.